أنا وهوي: مو ستيلي

– أنا:

مرحبا خيو، كيفك؟؟؟

– هوي:

أهلاً إستاذ، منيح أنا.

كيفك أنت؟

– أنا:

ماني منيح، زفت ومعصب

– هوي:

خير، خير طول بالك وحكيلي.

– أنا:

يا زلمة لك شو هاد

كل ما بضيف واحد على الحساب

بنطلي بالشات وببلش بدو مواصفات قال

على طول ولون ووزن و و و  والله مفكر حالي سيارة يازلمة.

– هوي:

أي عادي طول بالك عليهم.

والي مابيعجبك حكيو لا ترد عليه.

– أنا:

هيك عم أساوي، بس شايفلك مارح يبقى حدا عندي على الفايس

ولا إذا بآخر الحديث طلع الشب منيح ومهذب

– هوي:

أي

– أنا:

منتبادل الإيميلات هههههههه

وببلش طلب بها الصور كالعادة كمان.

بعطيهم صورة وجهين بجي و بقلي “هاي صورة وجهك!”.

– هوي:

يااااااي، مورجي صورك للعالم كلها وموم ورجيني ياها!

أنا:

هس هلق، المهم بدهم صورة للجسم و إذا مو لابس شي بكون احسن.

ولما بقلهم ماعندي بسكروا بخلقتي.

و إذا رضي بصورة وجهي بقلي مو ستيلي. وااااااع.

– هوي:

لك إي طول بالك عادية الأمور، إلا ما تظبط شي مرة.

أنت لا بقا تضيف على عماها.

– أنا:

لك شو عادية! أحلى الشي شفتلك بروفايل لواحد

إحدى عشر قاعدة لتعرف إنك مو ستيلي…

حسيت حالي بشي درس قراءة؛ و إجا على بالي أطبش الجهاز.

– هوي:

ولي على طولي شو قواعد وما قواعد. هههه

– أنا:

لك اي صدق، من كثر ما سمعت هالكلمة صرت اشوفها بأحلامي

مو ستيلي، مو ستيلي.

– هوي:

لك يا زلمة شوقتني أشوفك

بس لشوف إنو لها القد بشع أنت. خخخخ

– أنا:

أيه الكل شاف الصورة ما بقيت عليك أنت.

– هوي:

أي هات لشوف.

– أنا:

أي ثواني اطالعها من الفلاشة.

هاي هي خود.

– هوي:

مممممم ظريفة الصورة

بس قلك شغلة كمان.

– أنا:

أي قول… خلصني…

– هوي:

أنت ظريف و مبين عليك كووول…

… …

بس… مانك ستيلي…

– أنا:

%#@^%&*^ـٍأ&%*@*………..


نور معراوي

Sgayrights@gmail.com

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: