دمشق

دمشــق هي أقدم مدينة وأقدم عاصــمة لا تزال مأهولة بالسكان منذ بنائها، أما أقدم ذكر لها فكان في الألواح المصرية القديمة في القرن الخامس عشر قبل الميلاد باسم «تيمساك»، كما وردت باسم «تيمشاك» في رسائل تل العمارنة في مصر التي كانت رسائل بين ملك مصر أخناتون وملوك العالم القديم، أما ألواح إيبلا التي تعود إلى عام 2000 قبل الميلاد فقد أوردت ذكرها باسم «داماسكي»، كما ورد اسمها في بعض النصوص الآرامية باسم «دارميسيق» التي تعني المكان الوافر بالماء، كما أطلقوا عليها اسم آرام، بينما سماها الآشوريون «دمشق» و«إيميري شو».

تعود أقدم آثار دمشق إلى بداية العصر الزراعي الذي بدأ قبل 30,000 عاماً، واحتوت تلك الآثار على أقدم مخازن الحبوب وبعضٍ من حبيبات القمح والشعير المتفحمة.

مثلياً، استطاع المثليون تكوين مجتمع مثليّ شبه مترابط، وكانت لهم أماكنهم الخاصة التي يتجولون فيها، كما كانت هناك حمامات لهم ومقاهٍ خاصة يجتمعون فيها بشكل يوميّ، عدا عن ابتكارهم لفكرة الحفلات الخاصّة التي كانت تقام على أطراف المدينة كبديل عن الأندية المثلية في دول أخرى، على الرغم من تعرض تلك الحفلات لغارات من رجال الأمن السوريّ بشكل شبه متواتر.

سرفيس

Traffic_at_Damascus_streets

نحنا دايماً عم ندور عسعادتنا الشخصية بالحب أو بالسكس أو بالسهر…خليني خبركون شو عم يصير معنا…

كبرنا عالسرافيس و صوت فيروز الصبح وريحة رغيف الخبز السخن، هلق لا السرفيس كان مريح، ولا فيروز عم تغني شي جديد، نفس الشريط والأغاني كل يوم كل يوم، ولا حتى الخبز جيبته سهلة من طيز الصبح، وأكيد الوقفة عالطابور مانها حلوة، لا تقنعوني… مانها حلوة بنوب، بس ما هون كانت الشغلة، يا سيدي الخبطة السحرية كانت أنه تفيق من النوم و نصك نايم وعم يحلم مشان تنقلع عالمدرسة وما تتأخر، و أكيد من وقت ما تفتح عيونك اللي مليانين سمخ وتغسل وجهك بالمي الباردة، لسا ما بتلحق تفوت عالمطبخ بتلاقي 15 ليرة لا غير انزرعت بالإيد بقدرة قادر مشان تجيب خبز، بأفضل الأحوال من عند السمان، هي إذا ما طرقت مشوار صباحي عالمخبز و لابس أول شحاطة طلعت بخلقتك، وأحياناً الفردتين مختلفتين، ويمكن ببعض الأحيان تكون شحاطة الماما، لأنه أكيد شحاطة الماما شحاطة بوسطة… يا معلم شحاطة الماما الشحاطة الأكثر طيراناً والشحاطة الوحيدة اللي مسموح تكون برا المصرمة أو بالأوضة في أغلب الاوقات، وبعد ما ترجع من خناقة المخبز، و هادا أكيد أسوأ سيناريو، وأنت ماشي بالشارع الكل حاطط فيروز، تقول كأنه الله ما خلق غير فيروز، وكأنه غير اغاني ما بتنفع، ودائماً بسبب المهيصة عالطريق أول ما تفوت عالبيت بتطرق عينك عساعة الحيط بتلاقيها قبل الدوام بربع ساعة، أو بأفضل سيناريو وإخراج قبل الطلعة المعتادة من البيت بـ15 دقيقة… وهون بيبلش الماراثون تبع البدلة العسكرية… وأكيد بذكر إنو أبشع بدلة عسكرية هي اللي بتلبسها مباشرة من حبل الغسيل لأنها بتكون باردة، وطبعاً توابع اللباس الكامل والإكسسوارات، ومانها مفاجأة إنه تكون مانك ضابب الشنتة، ولازم تشوف الجدول اللي بعمره ما انحفظ، مع أنه بيضل لازق نص السنة عالحيط وبالدفتر وبكل مكان ممكن تلاقيه، ومع ذلك أغلب الأحيان بتصير تدور عليه.

بيجي هون مرحلة السرفيس، السرفيس هادا الصندوق الأبيض أو الأصفر العجيب اللي جواته حكايا وقصص، واللي هو عالم متكامل ينبض بالحياة، يعج بألحان فيروز وعصبية الركاب، والصباح بيتكركب كله من الهز والخض من ورا عاملين أساسيين، هنن سواقة الشوفير المغلوب عأمره إنه يسوق بهالطريقة، وأكيد الطرقات المستحيل بجميع المقاييس تمرق سيارة عليها بدون ما يمرق شي دولاب عمطب، أو ينزل بجورة، تقول كأنه مصمم أصلاً بهالمقاييس قبل ما يزفتوا الطريق…

أنا بذكر إنه أكتر من %50 من لقاءاتي كانت بالسرافيس، لأنه طبعاً الجو العام داخل السرفيس يسمح بهالشي، ومريح بالعجقة تبعيته إنه تطلع وتنزل كل ما في راكب طالع نازل، وأكيد بيسمح هالجو المغلق لبعض التطليعات والغمز البريء…

هدول العوامل وأكتر بخلونا نحنّ ونعشق اللي كنا فيه، مو الشغلة بالفيقة الصبح عصوت فيروز ولا الخبز ولا السرافيس، بس هدول مع بعض بيعملوا خلطة سحرية غريبة، وقت تكون فيها بتلعن كلشي حواليك حتى ربك اللي ماله علاقة لا بفيروز ولا بالشوفير ولا بالخبز ولا بالطرقات، ولما تكون بعيد عن هالخلطة السحرية متل حالتنا نحنا، بتصير تشتاق متل الإدمان، بتصير كل فترة والتانية تتذكر وتتحسر وتجعر متل حالتي…

هلق نحنا بدون ما عم نحس عم نكبر ونكبر ونتحسر أكتر وأكتر، ومنحاول قد ما كان نتذكر هديك الإيام، بس ما فينا نحمل سرافيس معنا، ونعمل خط سرفيس تحت البيت بالغربة، ولا منلاقي نفس ريحة الرغيف السخن، بس عالقليلة، منحاول نتذكر أنه نشغل فيروز الصبح مشان نتذكر…

تبقى تذكر تشغل فيروز الصبح…

موالح | مشاركة من الصديق هاشم

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: