أنا وهوي: Bears

أنا: أنا منيح وبخير، والصحة تمام، أنت كيفك؟!😛

هوي: هههه؛ لا تواخذني بس كنت مشغول شوية…. ما عم أفضى حك راسي على التشات طول الوقت…

أنا: -____-، أي منيح فضيت تحكي وترد علينا إذاً…

هوي: حقك علي؛ المهم طمني عنك.

أنا: لا أنت بقا خبرني شو الشاغلك بعدي؟…

هوي: والله في واحد كربوج وحلو عم أرمي شباكي عليه.

بيرأنا: كربوووج؛ وحلووو، ليكون كعادتك «برميل» قصدك؟

هوي: لك لا لا، قلتلك ألف مرة مو «براااميييل»، هايدول اسمهم «بيرز»…

أنا: وشو الفرق يعني؟ «دب» أو «برميل»؟

هوي: الفرق كبير كثير حبيبي، ويا بعدي أنت مو مجرب تحكي معهم من اساسو حبيبي…

أنا: صحيح مو مجرب أحكي معهم، بس العين إلها حقها عيوني…

هوي: لك تضرب أنت وعيونك أي، البيرز كائنات بتاخد عدة أشكال وأنواع…

أنا: آهاااا، إشرحلي لشوف، كيف بصير هالشي..

هوي: يعني يا إستاذ؛ لتكون بير لازم تكون من الأحجام الكبيرة مو الزائدة، ولازم في عندك شعر كثيف، وتكون ضخم البنية بشكل عام…

أنا: ’هاا؛ يعني فيك تقول قريب من «الدب» البري بجميع المواصفات؛ من الحجم، للشعر، للتصرفات!

هوي: لك مو كل هالأد يعني، كالشي بحدود؛ وبتعرفني شو بختار أنا…

أنا: أي أنا الي بعرفك بعدي، دببة وما دببة، ههههه.
بس بعد إذنك بعتلي شي واحد من عندك إذا ما مشي حالكم…

هوي: وليه لعيتلي قلبي لكن بكل هالعلاك إذا بيمشي حالك معهم؟!

أنا: على القطعة كلو بصير حبيبي…

هوي: لك تضرب أنت وأنا كمان وقت حكيتلك ووقت بدي أحكيلك على شي…

أنا: أي قلتلي لكن، دببة…
روح نام أحسن لك…
يلا تصبح على «دب»..

هوي: وأنت من الدببة معلم… بااااااي…

نور معراوي
SGayRights@gmail.com

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: